Գեղագիտական դաստիարակություն
Ամանորը դպրոցում
2018 թ. դեկտեմբերի 21-ին <<Կապանի թիվ 11 միջնակարգ դպրոց>>ՊՈԱԿ-ում տեղի ունեցավ ամանորյա ուրախ հանդես` տարրական և դիմակահանդես` միջին և ավագ դասարաններում:Տոնական տեսք ստացած դասարաններից, միջանցքներից և դահլիճից ամանորյա շունչ էր զգացվում: Հետաքրքիր և ուրախ իրարանցումը հուշում էր, որ դպրոցում Ամանոր է: Տարրական դասարանցիներն իրենց հեքիաթային կերպարներով, երգ ու պարով նոր շուք հաղորդեցին ամանորյա հանդեսին: Նույն օրը տեղի ունեցավ դիմակահանդես, որի ընթացքում աշակերտները մեկը մյուսից գեղեցիկ հանդերձներով, հետաքրքիր համարներով լրացրին միջոցառումների շարքը` ստեղծելով տոնական տրամադրություն: Ուրախ ու զվարթ էին բոլորը և ցնծում էին ամանորյա գույների խորհուրդներով:
Տնօրեն Ն. Կոստանդյան
Հանգստի և ժամանցի կազմակերպում աշնանային արձակուրդներին…
Ոսկե աշուն
<<Կապանի թիվ 11 միջնակարգ դպրոց>> ՊՈԱԿ-ում 2018 թվականի հոկտեմբերի 26-ին անցկացվեց <<Ոսկե աշուն>> միջոցառումը: Աշնան բարիքներով լի զամբյուղներ, տոնին համահունչ երգ ու պար, լուսառատ մաղթանքներ: Յուրաքանչյուր տարիքային խումբ հյուրերին ներկայացավ յուրովի՝ տոնի խորհրդին բնորոշ, պարային ու թատերական համարներով՝ համեմված մանկան էության ջերմ ու վարակիչ լիցքերով:Միջոցառման վերջում 5-6-րդ դասարանի աշակերտները բեմադրեցին <<Կորած ժպիտը>> հեքիաթը: Լավագույն ելույթն արժանացավ պատվոգրի:
Տնօրեն Նելլի Կոստանդյան
Էքսկուրսիա
2018 թվականի հոկտեմբերի 10-ին <<Կապանի թիվ 11 միջնակարգ դպրոց>> ՊՈԱԿ-ը կազմակերպեց ճանաչողական էքսկուրսիա դեպի Վահանավանք։ Նպատակն էր՝ աշակերտներին ծանոթացնել Սյունիքի պատմությանը, նպաստել հոգևոր դաստիարակությանը, սերմանել սեր և հոգատարություն հայրենի բնության նկատմամբ, ձևավորել գեղագիտական ճաշակ:Աշակերտները և ուսուցիչները այցելեցին վանական համալիր, հանդիպեցին հոգևոր հովվին , ստացան հետաքրքիր տեղեկություններ Վահանավանքի մասին։
Տնօրեն Նելլի Կոստանդյան
Մոմավառություն
Մոմավառություն մեծն հայի՝ Շառլ Ազնավուրի հիշատակին:
ՈՒսուցչի տոն
2018թ. հոկտեմբերի 4-ին <<Կապանի թիվ 11 միջնակարգ դպրոց>> ՊՈԱԿ -ում տեղի ունեցավ տոնական միջոցառում՝ նվիրված ուսուցչի տոնին: Աշակերտները շնորհավորեցին մանկավարժներին մասնագիտական տոնի առթիվ, մաղթեցին նրանց ստեղծագործական և բեղմնավոր աշխատանք: Խոստացան լինել արժանի սաներ, գնահատել և արժևորել դպրոցում ստացած գիտելիքները:
Տնօրեն Նելլի Կոստանդյան
2018 թվականի հունիսի 6-ին <<Կապանի թիվ 11 միջնակարգ դպրոց>> ՊՈԱԿ-ի տնօրեն Նելլի Կոստանդյանը հյուրընկալել էր 4-րդ դասարանի աշակերտներին: Նա շնորհավորեց աշակերտներին՝ տարրական դպրոցն ավարտելու կապակցությամբ և նրանց հանձնեց տարրական կրթության վկայագրերը:
Տնօրեն Նելլի Կոստանդյան
Տարեվերջյան ցուցահանդես
2018թ. մայիսի 21-ին <<Կապանի թիվ 11 միջնակարգ դպրոց>> ՊՈԱԿ-ում խմբակների տարեվերջյան հաշվետվությունների շրջանակում բացվեց ամենամյա <<Տարեվերջյան ցուցահանդես>>: Ցուցահանդեսը հարուստ է տարբեր նյութերից պատրաստված ձեռքի աշխատանքներով, ցուցանմուշներով, գեղարվեստական նկարներով:Լավագույն աշխատանքները խրախուսվեցին տնօրենության կողմից:
Ցուցահանդեսը կգործի մինչև սույն թվականի հուլիսի 1-ը:
Տնօրեն Նելլի Կոստանդյան
Թատերական խմբակի հաշվետու ելույթ
<<Կապանի թիվ 11 միջնակարգ դպրոց>> ՊՈԱԿ- ում 2018թ. ապրիլի 26-ին կազմակերպվեց թատերական խմբակի հաշվետու միջոցառում: Նպատակն էր՝ ամփոփել տարվա ընթացքում աշակերտների ձեռք բերած դերասանական հմտությունները, դիմախաղը, խոսքի կուլտուրան: Խմբակի ղեկավար Ա. Արզումանյանի գլխավորությամբ և աշակերտների ջանքերով ցուցադրվեցին Հ. Թումանյանի <<Անխելք մարդը>> և <<Կիկոսի մահը>>: Աշակերտները սիրով և մեծ պատասխանատվությամբ կատարեցին իրենց հաշվետու ելույթը:
Տնօրեն Նելլի Կոստանդյան
Էքսկուրսիա
2018թ. ապրիլի 7-ին Կապանի թիվ 11 միջնակարգ դպրոցը կազմակերպեց ուսումնաճանաչողական էքսկուրսիա դեպի Ճակատեն:Էքսկուրսիան անցավ հագեցած, հետաքրքիր ու բովանդակալից: Աջակցման համար մեր խորին շնորհակալությունն ենք հայտնում <<Լավ ընկեր>> կազմակերպության տնօրեն Վահիկ Համբարձումյանին:
Տնօրեն Նելլի Կոստանդյան
Մարտի 8
Կապանի թիվ 11 միջնակարգ դպրոցում 2018թ.մարտի 7-ին տեղի ունեցավ տոնական միջոցառում՝ նվիրված կանանց միջազգային օրվան: Դպրոցի կամարների ներքո, բեմահարթակից աշակերտները շնորհավորեցին մայրիկներին ու տատիկներին՝ գարնան այս գեղեցիկ տոնի առթիվ:Հնչեցին գարնանաբույր երգեր, հոգեթով բանաստեղծություններ, պարեր:Այդ ամենը համեմված էր սիրով, նազանքով ու քնքշությամբ, քանզի խոսքը վերաբերվում էր աշխարհի ամենաթանկ ու սուրբ էակներին՝ մայրերին:
Տնօրեն Նելլի Կոստանդյան
Ամանորյա տոնահանդես
Կապանի թիվ 11 միջնակարգ դպրոցում 2017թ. դեկտեմբերի 22-ին տեղի ունեցավ ամանորյա ուրախ ցերեկույթ` 1-5-րդ դասարանների և դիմակահանդես` 6-12-րդ դասարանների աշակերտների մասնակցությամբ: Տոնական տրամադրություն, խինդ ու ծիծաղ էր տիրում ամբողջ դպրոցում և ներկաների սրտերում: Երեխաներին այցի եկան երկար սպասված Ձմեռ պապն ու Ձյունանուշը՝ իրենց հետ բերելով նվերներ: Ամենուրեք զգացվում էր ամանորի շունչը:
Տնօրեն Նելլի Կոստանդյան
Ամանոր
Կապանի թիվ 11 միջնակարգ դպրոցը նախատոնական շքեղ տեսք է ստացել, ամենուրեք զգացվում է ամանորի շունչը:Այն սկսվում է դպրոցի մուտքից և բոլորի հոգիներում արթնացնում ամանորյա տոնական տրամադրություն:
Տնօրեն Նելլի Կոստանդյան
Բերքառատ աշուն
Կապանի թիվ 11 միջնակարգ դպրոցում նոյեմբերի 28-ին տեղի ունեցավ <<Բերքառատ աշուն> միջոցառումը: Աշուն տատիկը` իր բերք ու բարիքով ծանրաբեռնված հյուր էր եկել դպրոցին: Վառ ու գունագեղ զգեստ էր հագել դպրոցի դահլիճը, որտեղ ցնծության մեջ էին մեծ թե փոքր, ծեր թե մանուկ:Յուրաքանչյուր դասարան յուրովի ներկայացրեց իր խոսքը աշնան մասին (երգերով, պարերով, արտասանությամբ և բեմականացմամբ): Լավագույնները պարգևատրվեցին պատվոգրերով:Բոլորը հեռացան գոհ և վառ տպավորություններով, որովհետև Աշուն տատիկը իր գոգնոցը բացել ու իր բարիքներն էր բաժանել բոլորին:
Տնօրեն Նելլի Կոստանդյան
Ազգային դրամի ցուցահանդես
Կապանի թիվ 11 միջնակարգ դպրոցի աշակերտերը 2017թ. սեպտեմբերի 14-ին այցելեցին Կապան քաղաքում ցուցադրված <<Հայաստանի դրամաշրջանառության պատմությունը. ֆինանսներ բոլորի համար >> ցուցահանդեսին , որտեղ ծանոթացան ազգային դրամի և դրամաշրջանառության պատմությանը , ինչպես նաև Կենտրոնական բանկի գործունեությանը:
Տնօրեն Նելլի Կոստանդյան
2017-2018 ուստարի սեպտեմբերի 1
2016-2017 ուստարի. վերջին զանգ
Համակարգչային դասասենյակի բարելավում
Կերպարվեստի ուսուցիչ Արա Ալեքսանյանի գեղարվեստական մտահղացումների ու ձևավորումների շնորհիվ ինֆորմատիկայի դասասենյակը ստացավ համահունչ ու յուրօրինակ տեսք:
Տնօրեն Նելլի Կոստանդյան
Հրաժեշտ տարրական դպրոցին
Հերթական անգամ հուզմունքի ու հպարտության, ուրախության ու տխրության զգացողություններով էր պարուրված Կապանի թիվ 11 միջնակարգ դպրոցը: << Մեր մանկության մոլորակը>>խորագիրը կրող միջոցառման <<մեղավորները>> չորրորդ դասարանցիներն էին , ովքեր մեծարանքի ու շնորհակալանքի խոսքեր հղեցին դպրոցին և ուսուցիչներին: Ի նշան խաղաղության և սերունդների լուսավոր ապագայի՝ աշակերտները խորհրդանշական փուչիկներ բաց թողեցին դեպի կապույտ երկինք:
Տնօրեն Նելլի Կոստանդյան
Մայրության և գեղեցկության տոն
Կապանի թիվ 11 միջնակարգ դպրոցում 2017թ. ապրիլի 6-ին տեղի ունեցավ մայրության և գեղեցկության տոնին նվիրված միջոցառում: Հնչեցին գարնանաբույր երգեր, հոգեթով բանաստեղծություններ, պարեր, բարեմաղթանքներ՝ համեմված սիրով , նազանքով ու քնքշությամբ, որովհետև խոսքը վերաբերվում էր աշխարհի սուրբ ու գեղանի մայրերին:
Տնօրեն Նելլի Կոստանդյանը շնորհավորեց բոլորին այս գեղեցիկ տոնի առթիվ , մաղթելով՝ առողջություն , երջանկություն ,անամպ երկինք, անսահման սեր ու ծով համբերություն:
Հումանիտար մեթոդ միավորման նախագահ Ա. Ջավադյան
Ցուցահանդես
Կապանի թիվ 11 միջնակարգ դպրոցի կերպարվեստի ուսուցիչ Արա Ալեքսանյանի գլխավորությամբ 2017թ. հունվարի 20-ին կայացավ կրթության առանձնահատուկ պայմանների կարիք ունեցող, 6-րդ դասարանի աշակերտ, փոքրիկ վարպետ` Ալեքս Օհանջանյանի նկարների ցուցահանդեսը: Նրա նկարները հագեցած են ծննդավայրի հանդեպ ունեցած անհուն կարոտը հավերժացնnղ վրձնի ու գրչի փայլուն տաղանդով: Արա Ալեքսանյանի նպատակն էր`աշակերտին հաղորդակից դարձնել ազգային և համամարդկային արժեքներին՝ խթանել կայացումը, ապահովել աշակերտի մտավոր, հոգևոր և ֆիզիկական կարողությունների զարգացման շարունակականությունը, ներդաշնակցելով ճանաչողության և գործունեության գործընթացները՝
նկարչության գործընթացում ամրագրել գիտելիքի և հմտությունների փոխկապակցվածությունը և դրանք գործնականորեն կիրառելու կարողությունների կարևորությունը:
Տնօրեն Նելլի Կոստանդյան
Կապանի թիվ 11 միջնակարգ դպրոցի լավագույն աշակերտ Սերժ Հարությունյանի այցը Հ Հ նախագահի նստավայր:
