Ծնողական համալսարան
Երեխաների իրավունքներն ու նրանց նկատմամբ կիրառվող բռնությունները
<<Կապանի թիվ 11 միջնակարգ դպրոցում>> ՊՈԱԿ-ում 2018 թվականի նոյեմբերի 19-ին հերթական հանդիպումն էր ծնողների հետ:<<Երեխաների իրավունքներն ու նրանց նկատմամբ կիրառվող բռնությունները>> թեմայով զրույցը վարեցին մաթեմատիկայի ուսուցչուհի Ա. Մելքոնյանն ու դասվար Ռ. Մաթևոսյանը: Նպատակն էր` ծնողներին ծանոթացնել երեխաների իրավունքներին, ինչպես նաև բռնության բացասական հետևանքներին: Կազմակերպվեց քննարկում. որոնք են` երեխաների իրավունքները, ինչ է բռնությունը, ինչպես կանխարգելել այն: Ծնողները ցուցաբերեցին մեծ հետաքրքրություն քննարկվող նյութի նկատմամբ: Հանդիպման վերջում ծնողների նախաձեռնությամբ ստեղծվեցին <<Երեխաների իրավունքները>> և <<Բռնության կանխարգելումը>> վերնագրով պաստառներ:
Տնօրեն՝ Նելլի Կոստանդյան
Երեխայի զարգացման առանձնահատկությունները
2018թ. մայիսի 11-ին 《Կապանի թիվ 11 միջնակարգ դպրոց》 ՊՈԱԿ-ում գրադարանավար Ա. Արզումանյանը անցկացրեց ծնողների հետ հանդիպում《Երեխայի զարգացման առանձնահատկությունները》 թեմայով:Նպատակն էր` ծնողներին ներկայացնել երեխաների զարգացման առանձնահատկությունները, ծնողի դերը նրանց զարգացման գործընթացում և թե ինչպես նպաստել երեխայի ինքնուրույնության ձևավորմանը: Ա. Արզումանյանը հանդես եկավ զեկուցմամբ, ինչից հետո բուռն քննարկում ծավալվեց ծնողների և ուսուցիչների միջև:
Դպրոցի տնօրեն՝ Նելլի Կոստանդյան
Դաստիարակության դրական մոտեցումները
Կապանի թիվ 11 միջնակարգ դպրոցում 2017թ. դեկտեմբերի 12-ին ծնողների համար կազմակերպվեց դասընթաց «Դաստիարակության դրական մոտեցումները» թեմայով: Նպատակն էր` ներկայացնել դաստիարակչական դրական մոտեցումների ընդհանուր դրույթները, համապատասխան հմտություններն ու գիտելիքները: Օգնել ծնողին հասկանալ մինչև 18 տարեկան երեխաների զարգացման որոշ հիմնական առանձնահատկությունները, որոնց վրա դրականորեն կամ բացասականորեն ազդում են մեծահասակների կարգապահական գործողությունները: Ակտիվ քննարկման արդյունքում բացահայտեցին երեխաների վատ վարք դրսևորելու պատճառները և մեծահասակների արձագանքը:Սեմինարը օգնեց, որ մեր երեխաների դաստիարակման դրական մոտեցումը հիմնված լինի երեխայի առողջ զարգացման, բռնությունից պաշտպանվելու և սովորելու հիման վրա:
Դպրոցի տնօրեն՝ Նելլի Կոստանդյան
