Դպրոցի ձեռքբերումները
2018թվականի նոյեմբերի 10-ին Երևանում մեկնարկեց մայրաքաղաքի 2800- ամյակին նվիրված քիք-բոքսինգի միջազգային մրցույթը: Մրցույթին մասնակցեց մեր դպրոցի 8-րդ դասարանի աշակերտ Հայկ Անտոնյանը և նվաճեց ոսկե մեդալ:
Հայկին ցանկանում ենք ուժ, եռանդ, ամուր կամք և հաղթանակի նոր բարձունքներ:
Տնօրեն Ն. Կոստանդյան
2018 թվականի նոյեմբերի 7-ից 8-ը քաղաքամայր Երևանում <<Հայ նախագիծ>> նիստերի դահլիճում անցկացվեց <<Սյունիքի գույները>> խորագրով նկարչության մրցույթ, որտեղ մեր դպրոցի 4-րդ դասարանի աշակերտ Հրաչ Պատվականյանը արժանացավ պատվավոր առաջին մրցանակի:
Սրտանց շնորհավորում ենք Հրաչին և նրան մաղթում նորանոր հաջողություններ նկարչության գունեղ աշխարհում:
Տնօրեն Ն. Կոստանդյան
Տաք սնունդ
2017-2018 ուստարում Կապանի թիվ 11 միջնակարգ դպրոցը <<Կայուն դպրոցական սնունդ>> ծրագրի շրջանակներում 1-4-րդ դասարանների համար կազմակերպում է տաք սնունդ: Ծրագրին աջակցում են Ծնողական խորհուրդը և Սյունիքի զարգացման և ներդրումների հիմնադրամը: Դեկտեմբերի 13-ին դպրոց այցելեցին պարենի համաշխարհային ծրագրի ներկայացուցիչները, որոնք հանդիպեցին ծնողների, աշակերտների, տնօրենի հետ:Նպատակ ունեին իրազեկվել սննդակարգին, իմանալ ծնողների պահանջները, լսել առաջարկությունները և կարծիքները, որի արդյունքում նրանք գոհ էին կատարված աշխատանքներից:
Տնօրեն Ն. Կոստանդյան
Հայրենասիրական տեսք ստացավ դպրոցի հանդիսությունների դահլիճը:
Նոր տեսք ստացավ դպրոցի ճեմասրահը:
<< Կապանի թիվ 11 միջնակարգ դպրոց>>ՊՈԱԿ-ը իր վերանորոգման աշխատանքները կազմակերպելու՝ այս բարեկարգ, լուսավոր գործընթացը իրականացնելու, աշակերտների կրթության և դաստիարակության համար նպաստավոր և բարվոք պայմաններ ստեղծելու, դպրոցը գեղեցիկ տեսքի բերելու, սանիտարահիգիենիկ պայմանները բարելավելու համար դպրոցի ծնողական, մանկավարժական և աշակերտական խորհուրդների կողմից իր շնոհակալությունն ու երախտագիտությունն է հայտնում Կապանի լեռնահարստացման կոմբինատի գլխավոր տնօրեն Դ. Ուշկովին և նրա ողջ կոլեկտիվին:
Տնօրեն Ն. Կոստանդյան
Կապանի քաղաքապետ Աշոտ Հայրապետյանը արժևորելով կրթության կարևորագույն դերը մատաղ սերնդի դաստիարակության գործում, Կապանի թիվ 11 միջնակարգ դպրոցին նվիրաբերեց համակարգչային սեղաններ: Նրա շնորհիվ դպրոցը ունեցավ նաև իր նշանաբանը՝ <<Կրթությունը ազատության ոսկե դուռը բացելու բանալին է>> խորագրով պաստառը:
Աշակերտական խորհուրդը իր երախտագիտական խոսքն է ուղղում Կապանի քաղաքապետ Աշոտ Հայրապետյանին:
Տնօրեն Ն. Կոստանդյան
Աշակերտական խորհուրդ
Սյունիքի մարզպետ Վահե Հակոբյանը , կարևորելով դասավանդումն արդյունավետ կազմակերպելու հանգամանքը, Կապանի թիվ 11 միջնակարգ դպրոցին նվիրեց 3 համակարգիչ: Սա մեծ նվեր էր թեˊ աշակերտների, և թեˊ ուսուցիչների համար: Դպրոցում գործում է համակարգչային դասարանը, ինչը հնարավորություն է տալիս աշակերտներին ստանալու ուսուցումը նորագույն տեխնոլոգիաներով և մեթոդներով՝ ապահովելու կրթական չափորոշիչներին համապատասխան գիտելիքներ: Սյունիքի մարզպետ Վահե Հակոբյանի շնորհիվ դպրոցը վերազինվեց նոր որակի պրակտիկ և մեթոդական հնարավորություններով, ինչն էլ կկարողանա աշակերտին տալ արդի պահանջներին բավարարող ավելի պրակտիկ և կայուն գիտելիքներ: Աշակերտական խորհուրդը իր շնորհակալությունն է հայտնում Սյունիքի մարզպետ Վահե Հակոբյանին:
Տնօրեն Ն. Կոստանդյան
Աշակերտական խորհուրդ
