Ուսումնա- դաստիարակչական

Ատեստատների և վկայականների հանձնում…

Հրաժեշտ տարրական դպրոցին

2018 թվականի հունիսի 6-ին <<Կապանի թիվ 11 միջնակարգ դպրոց>> ՊՈԱԿ-ի տնօրեն Նելլի Կոստանդյանը հյուրընկալել էր 4-րդ դասարանի աշակերտներին: Նա շնորհավորեց աշակերտներին՝ տարրական դպրոցն ավարտելու կապակցությամբ և նրանց հանձնեց տարրական կրթության վկայագրերը:  

Տնօրեն Նելլի Կոստանդյան

 

վերջին զանգ

Կապանի թիվ 11միջնակարգ դպրոց ՊՈԱԿ-ում մայիսի 25-ին ազդարարվեց 2017-2018թթ.ուսումնական տարվա ավարտը և ավարտական դասարանում սովորող միակ աշակերտուհու համար հնչեց վերջին զանգը:Հանդիսավոր միջոցառումը մեկնարկեց կավարտեցի Արցախյան պատերազմում զոհվածների հիշատակին նվիրված հուշակոթողին ծաղկադրումով,այնուհետև դպրոցի դահլիճում սկսվեց վերջին զանգի արարողությունը:Այն լի էր հուզվածությամբ,որովհետև հրաժեշտ էր դպրոցին և ուսուցիչներին:Մաղթում ենք շրջանավարտին նորանոր հաջողություններ կյանքում և իր ընտրած մասնագիտության` մանկավարժության մեջ:Բարի երթ սիրելի շրջանավարտ:

 Տնօրեն Ն. Կոստանդյան

 

 

 

Հրաժեշտ տարրական դպրոցին

2018 թվականի մայիսի 17-ին <<Կապանի թիվ 11 միջնակարգ  դպրոց>>  ՊՈԱԿ-ում տոնական, ուրախ տրամադրություն էր տիրում`  4-րդ դասարանցիները հրաժեշտ էին տալիս  տարրական դպրոցին /դասվար Ռ. Զաքարյան/:Աշակերտները իրենց շնորհակալությունն ու երախտագիտությունը հայտնեցին դպրոցին և ուսուցիչներին:Բոլորի հոգիները ջերմացրին իրենց  երգերով, պարերով  և արտասանություններով: Գեղեցիկ ձևավորված դահլիճում տիրոմ էր ուրախ տրամադրություն և ջերմ մթնոլորտ:

 Տնօրեն Ն. Կոստանդյան

<< Տրամաբանական  խաղեր>>

2018 թ. մայիսի 5-ին <<Կապանի թիվ 11 միջնակարգ դպրոց>> ՊՈԱԿ-ում տեղի ունեցավ <<Տրամաբանական խաղեր>> խմբակի  հաշվետու միջոցառումը: Այն իրականացվեց խաղ-վիկտորինայի տեսքով: Նպատակն էր՝ ամփոփել ուստարվա ընթացքում կատարված աշխատանքները, աշակերտների  մեջ ակտիվացնել մրցակցային ոգին, խթանել տրամաբանական մտածողությունը:  Վիկտորինան ընդգրկում էր ասույթներ տրամաբանության, մաթեմատիկայի և մյուս ճշգրիտ գիտությունների մասին, մրցութային փուլեր և երաժշտական դադարներ:

            Արդյունքում մասնակիցները ևս մեկ անգամ համոզվեցին , որ մաթեմատիկան է բոլոր գիտությունների թագուհին, իսկ առանց տրամաբանության  չկա մաթեմատիկա  և  հակառակը:

Տնօրեն  Նելլի Կոստանդյան

 

 

GOOD BYE <<ABC>>

<<Կապանի թիվ 11  միջնակարգ  դպրոց>> ՊՈԱԿ-ում 2018թ. ապրիլի 27-ին անգլերեն լեզվի ուսուցչուհի Մ. Գայամյանը կազմակերպեց միջոցառում՝ GOOD BYE <<ABC>> անգլերենի այբուբենի տոն: Նպատակն էր՝ ամփոփել տարվա  ընթացքում կատարված աշխատանքն անգլերեն լեզվի ուսուցման ուղղությամբ: Միմյանց հերթ չտալով՝ մեր սաները հստակ ու վարժ ներկայացնում էին թվեր, գույներ, կենդանիներ, թռչուններ, արտասանում  բանաստեղծություններ, երգում ուրախ երգեր և պարում: Աշակերտները կարողացան նաև  հաղորդակցվել  անգլերենով՝ երկխոսության տեսքով:

Տնօրեն Նելլի Կոստանդյան

 

˂˂Прощай , Букварь˃˃

Կապանի թիվ 11 միջնակարգ  դպրոցում 2018թ. ապրիլի 25-ին  ռուսաց լեզվի ուսուցչուհի Վ. Դանիելյանի գլխավորությամբ իրականացվեց ˂˂Прощай , Букварь˃˃ `  երկրորդ դասարանի աշակերտների  մասնակցությամբ: Երեխաները ռուսերենով արտասանեցին բանաստեղծություններ,երգեցին, ասացին  հանելուկներ:  Ակնհայտ էր, որ նրանք յուրացրել էին իրենց համար նոր օտար լեզուն՝ ռուսերենը:

Տնօրեն Նելլի Կոստանդյան

 

Շախմատի  խմբակի հաշվետվություն

<<Կապանի թիվ 11 միջնակարգ դպրոց>> ՊՈԱԿ-ում 2018թ. ապրիլի 25-ին  1-4-րդ դասարանների աշակերտների մասնակցությամբ <<Շախմատ>> առարկայի ուսուցչուհի Շ. Հարությունյանը  կազմակերպեց շախմատի խմբակի հաշվետվություն` դաս-միջոցառում <<Շախմատի կապը առարկաների հետ>> թեմայով: Նպատակն էր՝վեր հանել  խմբակի մասնակիցների  ձեռք բերած գիտելիքները ողջ  ուստարվա ընթացքում: Աշակերտները մեծ ոգևորությամբ  և հետաքրքիր փաստարկնեով ներկայացրին շախմատի պատմությունը, նրա զարգացման ուղին, ինչպես նաև շախմատի կապը գիտության, արվեստի, սպորտի,  մաթեմատիկայի և  գրականության հետ:

Տնօրեն Ն. Կոստանդյան

Մոմավառություն

Եղեռնի զոհերի հիշատակին…

23.04.2018թ.

 

Ծրագիր <<Ազգային գրադարանի շաբաթ>>

 

Գրքի շաբաթ

Կապանի թիվ 11 միջնակարգ դպրոցում 2018թ.  ապրիլի 11-ից 18-ը անցկացվեց <<Ազգային գրադարանային շաբաթ>>: Նպատակն էր՝ ավելի ամրացնել աշակերտների կապը գրադարանի հետ  և նրանց մեջ արթնացնել ընթերցասիրության ոգին: Շաբաթվա ընթացքում կազմակերպվեցին մի շարք միջոցառումներ`ընթերցանության օր 1-4-րդ դասարանի աշակերտների հետ, <<Հետաքրքիր ճամփորդություն գրքերի աշխարհում>>, <<Կարդում են բոլորը>>, <<Գրքերի հիվանդանոց>> գրքերի վերանորոգման ակցիա, Արտաշես Քալանթարյանի <<Դրա կարողը կա>> ստեղծագործության ունկնդրում և քննարկում, ինչպես նաև  Նար-Դոսի  <<Ես և նա>> ստեղծագործության քննարկում: Այս ամենը նպաստեց  աշակերտների   մտքի ու լեզվի զարգացմանը, հստակեցրեց  և հղկեց բանավոր խոսքը, հարստացրեց  բառապաշարը:

Տնօրեն Ն. Կոստանդյան

Հրաժեշտ այբբենարանին

2018 թվականի ապրիլի 12-ին Կապանի թիվ 11 միջնակարգ դպրոցում 1-ին դասարանցի միակ աշակերտի համար կազմակերպվեց  <<Հրաժեշտ այբբենարանին>> միջոցառումը:Միջոցառման ժամանակ նրան ընկերակցեցին 4-րդ դասարանի աշակերտուհիները: Միջոցառումը անցավ ջերմ մթնոլորտում:Աշակերտներն իրենց տոնական տրամադրությունը  փոխանցեցին  ներկաներին:

             Շնորհավորում ենք ՀՀ բոլոր 1-ին դասարանցիներին`գրաճանաչ դառնալու և հայերենի գանձարանի ոսկե բանալին գտնելու կապակցությամբ:

Տնօրեն Ն. Կոստանդյան

Ճանաչողական այց

Կապանի թիվ 11 միջնակարգ դպրոցի 1-4-րդ դասարանների աշակերտներն ու դասղեկները՝ գարնանային արձակուրդը բովանդակալից դարձնելու համար  2018թ. մարտի  28-ին  ճանաչողական այց կատարեցին դեպի Գարեգին Նժդեհի հուշահամալիր և Սյունիքի մարզային գրադարան:Այցի  նպատակն էր՝ ավելի լավ ճանաչել Կապան քաղաքի տեսարժան վայրերը և հնարավորություն ունենալ  օգտվել մարզային գրադարանի գրականությունից:

Տնօրեն Ն. Կոստանդյան

 

Եվրասիայի՝ Եվրոպայի և Ասիայի պետությունները

Կապանի թիվ 11 միջնակարգ դպրոցում 2018 թ. մարտի 21-ին <<Աշխարհագրություն>> առարկայի դրվածքի շրջանակներում կայացավ բաց դաս 8-րդ դասարանում՝ <<Եվրասիայի՝ Եվրոպայի և Ասիայի պետությունները>>թեմայի ամփոփում:Նպատակն էր՝ Եվրոպայի և Ասիայի երկրների վերաբերյալ ձեռք բերած գիտելիքների համակարգում և նախապատրաստում թեմատիկ աշխատանքին:Դասը բովանդակալից էր,հագեցած դիդակտիկ նյութերով:Աշակերտները շատ ակտիվ էին:Ապահովվեց հետադարձ կապը:

Տնօրեն Ն. Կոստանդյան

Բաց դաս <<Ես և շրջակա աշխարհը>> առարկայից

Կապանի թիվ 11 միջնակարգ դպրոցում 2018թ. մարտի 14-ին 3-րդ դասարանում կայացավ բաց դաս  <<Ես և շրջակա աշխարհը>> առարկայից՝ <<Մեր սնունդը>> թեմայով:Նպատակն էր՝ աշակերտներին ծանոթացնել սննդի կարևորությանը, առկա սննդանյութերի  անհրաժեշտությանը և ճիշտ սնվելու կանոններին:Դասը կայացած էր, ուսուցչուհին հասավ իր նպատակին, իսկ աշակերտները  յուրացնելով  նյութը՝  կարողացան առանձնացնել օգտակարը ոչ օգտակարից:

Տնօրեն Ն. Կոստանդյան

 

Քաղաքացիական պաշտպանության և Արտակարգ իրավիճակների օր Կապանի թիվ 11 միջնակարգ դպրոցում (2018թ. մարտի 1):

Տնօրեն Ն. Կոստանդյան

 

Թումանյանական օրեր

Կապանի թիվ 11 միջնակարգ դպրոցում 2018թ. փետրվարի 22-ին <<Թումանյանական օրեր>>-ի շրջանակում կայացավ խաղ-վիկտորինա, որին մասնակցում էին դպրոցի տարրական դասարանների սովորողները:Միջոցառման նպատակն էր՝ Թումանյանի ստեղծագործությունների միջոցով ակտիվացնել սովորողների մրցակցային ոգին:Վիկտորինան իր մեջ ներառում էր բլից-հարցեր, մեջբերումներ, թևավոր խոսքեր բանաստեղծի ստեղծագործություններից: Միջոցառման ավարտին ակտիվ մասնակիցը, հաղթող թիմը և լավագույն թատերական բեմադրության մասնակիցները  պարգևատրվեցին պատվոգրերով: 

Տնօրեն Ն. Կոստանդյան

Գրքի նվիրման օր

Կապանի   թիվ   11 միջնակարգ դպրոցում 2018թ. փետրվարի 19-ին  նշվեց գրքի նվիրման տոնը և մեկնարկեց թումանյանական շաբաթը: Աշակերտները մեծ ոգևորությամբ արտասանեցին, խոսեցին  գրքի  կարևորության  մասին և դպրոցի գրադարանին նվիրեցին բազմաժանր գրականություն: Նպատակն էր՝  աշակերտների մեջ սերմանել  սեր և հետաքրքրություն դեպի  գրքերի աշխարհ:

Տնօրեն   Ն. Կոստանդյան

 

Օլիմպիադայի մեկնարկ

2018 թվականի հունվարի 30-ին մեկնարկեց դպրոցականների առարկայական առցանց օլիմպիադաների  I –ին փուլը: Կապանի թիվ 11 միջնակարգ դպրոցի 5-11-րդ դասարանների 19 աշակերտներ  մասնակցեցին <<Մաթեմատիկա>> առարկայի օլիմպիադային:Սովորողները գտնում էին, որ առաջադրանքները բավականին հետաքրքիր էին և հմտություններ պահանջող:

Տնօրեն   Ն. Կոստանդյան

Ինտելեկտուալ խաղ-մրցույթ <<Մաթեմատիկա>>   առարկայից

Կապանի   թիվ   11 միջնակարգ դպրոցում    2017 թվականի   դեկտեմբերի   15-ին    <<Մաթեմատիկա>> առարկայի դրվածքի ուսումնասիրության շրջանակում անցկացվեց  ինտելեկտուալ  խաղ-մրցույթ  <<Մաթեմատիկա>> առարկայից, որին   մասնակցեցին   7-11-րդ  դասարանի  աշակերտները: Մրցում էին <<Պյութագորաս>> և <<Շիրակացի>>  թիմերը: Մրցույթի   կարգախոսն էր. <<Մաթեմատիկան   կարգապահ է դարձնում միտքը, վարժեցնում տրամաբանական մտածողությունը>>: Խաղ-մրցույթը  հետաքրքիր  էր  և բովանդակալից:   Տրամաբանական   և   բլից   հարցերը, կատակ-խնդիրներն   ու  ռեբուսները  մեծ  աշխուժությամբ   քննարկվում   էին    սովորողների    կողմից: Վերջնական արդյունքում հաղթեց  <<Շիրակացի>>  թիմը:   Հաղթողները   պարգևատրվեցին    մրցանակներով:

Տնօրեն  Նելլի Կոստանդյան

Բաց դաս <<Հանրահաշիվ>>  առարկայից

Կապանի թիվ 11 միջնակարգ դպրոցում 2017թ. դեկտեմբերի 11-ին <<Մաթեմատիկա>> առարկայի դրվածքի ուսումնասիրության շրջանակում  անցկացվեց բաց դաս 7-րդ դասարանում` <<Հանրահաշիվ>> առարկայից. թեման` <<Քառակուսիների տարբերությունը>>: Դասի նպատակն էր` բացահայտել սովորողների   գիտելիքները կրճատ բազմապատկման բանաձևերից և ձևավորել գործնականում կիրառելու հմտություններ:Դասը հարուստ էր կիրառված մեթոդների ընտրությամբ:Երկարամյա մանկավարժ Ա. Մելքոնյանին հաջողվեց սովորողների մոտ զարգացնել բանաձևերը գործնականում կիրառելու հմտություններ:

Տնօրեն՝ Նելլի Կոստանդյան

Երկրաշարժի զոհերի հիշատակի օր

2017թ. դեկտեմբերի 7-ին <<Կապանի թիվ 11 միջնակարգ դպրոց>> ՊՈԱԿ-ում  դպրոցի ուսուցիչներն ու աշակերտները  մոմավառությամբ  իրենց հարգանքի  տուրքը մատուցեցին երկրաշարժի զոհերի հիշատակին:

Տնօրեն՝ Նելլի Կոստանդյան

 

 2017-2018 ուստարվա առարկայական օլիմպիադաներ

2017թ. դեկտեմբերի 4-ից <<Կապանի թիվ 11 միջնակարգ դպրոց>> ՊՈԱԿ -ում  սկսվել է առարկայական օլիմպիադաների  դպրոցական փուլը: Օլիմպիադաներին մասնակցում են 9-ից -12-րդ դասարանի  աշակերտները: Արդեն անց են կացվել՝ <<Հայոց պատմություն>>, <<Անգլերեն>> և <<Հայոց լեզու>> առարկաներից: Օլիմպիադաները ընթացքի մեջ են և ավարտվելու են դեկտեմբերի  7-ին:

Տնօրեն՝ Նելլի Կոստանդյան

Դեկտեմբերի 1-ին ՄԻԱՎ/ՁԻԱՀ-ի միջազգային օրն է

Կապանի թիվ 11 միջնակարգ դպրոցում 2017թ.  դեկտեմբերի 1-ին կազմակերպվեց   բանավեճ — քննարկում <<ՄԻԱՎ/ՁԻԱՀ-ի կանխարգելում>> թեմայով:Բանավեճի նախաձեռնողների` կենսաբանության ուսուցչուհի Մերի Ալեքսանյանի և ֆիզկուլտուրայի ուսուցիչ Նվեր Մարտիրոսյանի նպատակն էր սովորողներին տեղեկացնել ՄԻԱՎ -ով վարակման վտանգի, կանխարգելման և հետագա բարդությունների մասին:Աշակերտները իմացան, որ ՄԻԱՎ-ով  վարակվում են նրանք, ովքեր չգիտեն դրա փոխանցման  ուղիների մասին, դրսևորում են  վտանգավոր վարքագիծ և չեն կիրառում պաշտպանական  միջոցներ:

Տնօրեն՝ Նելլի Կոստանդյան

Ինտելեկտուալ խաղ-մրցույթ ռուսաց լեզվից

2017թ. նոյեմբերի 27-ին ռուսաց լեզվի կաբինետը տոնական տեսք էր ստացել: Ամփոփվում էր <<Ռուսաց լեզու>>  առարկայի դրվածքի ուսումնասիրության արդյունքները: Ուսուցչուհի  Վ. Դանիելյանը կազմակերպել էր ինտելեկտուալ խաղ, հետաքրքիր լեզվական առաջադրանքներ, պաստառների մրցույթ: Ակտիվ մասնակցում էին և’ խաղ-մրցույթի մասնակիցները, և’ <<հանդիսատես>> աշակերտները:Միջոցառումը բազմաբովանդակ և ընդգրկուն էր: Հաղթող  ճանաչվեց <<Романтика>> թիմը, իսկ լավագույն պաստառ՝ 8-րդ դասարանցիների պատրաստածը՝  <<Русские сказки>> թեմայով:

Վերջում հաղթողները պարգևատրվեցին պատվոգրերով:

Տնօրեն Նելլի Կոստանդյան

 

Բաց դաս <<Ռուսաց լեզու>> առարկայից

Կապանի թիվ 11 միջնակարգ դպրոցում 2017թ. նոյեմբերի 21-ին <<Ռուսաց լեզու>> առարկայի դրվածքի ուսումնասիրության շրջանակներում ուսուցչուհի Վարդուհի Դանիելյանը կազմակերպել էր բաց դաս 4-րդ դասարանում <<Больной Бегемотик>> թեմայով: Դասը հագեցած էր, հետաքրքիր:Ուսուցչուհին դասապրոցեսին կիրառեց տարբեր մեթոդներ:Դասասենյակը կահավորված էր թեմային համապատասխան՝ Աֆրիկայի քարտեզով, վայրի կենդանիների նկարներով, պաստառներով, ջրային կենդանիների նկարներով:Կատարվեց քարտային աշխատանք:  Ցուցադրվեց փոքրիկ հոլովակ գետաձիու մասին:Երեխաները ցուցադրեցին իրենց կարողություններն ու հմտությունները <<Ռուսաց լեզու>> առարկայից:

Տնօրեն Նելլի Կոստանդյան

Ինքնավարում են աշակերտները

Հետաքրքիր էր օրը Կապանի թիվ 11միջնակարգ դպրոցում: Աշակերտական ինքնավարություն էր:Դասարաններում դասերը վարում էին աշակերտները: Հետաքրքիր մեթոդ էր մշակվել. դասացուցակին համապատասխան՝աշակերտները բաշխել էին դասաժամերը միմյանց միջև, նախապես պատրաստվել հաջորդ թեմայի մատուցմանը: Դասերը վարելիս՝ «ուսուցիչ» աշակերտները, ջանում էին մատչելի և հասկանալի բացատրել, հարցնել, մեկնաբանել, պատասխանել, մեթոդներ կիրառել… Դասաժամերը անցան հետաքրքիր, որը նպաստեց աշակերտների ստեղծագործական կարողությունների զարգացմանը և խորացրեց հարգանքը ուսուցչի հանդեպ: Չնայած «ուսուցիչները» խոստովանեցին, որ լարված էին ու շփոթված, այնուամենայնիվ սիրով և պատվով ստանձնեցին մանկավարժի պատասխանատու դերը:
Այսպիսով, 2017 թվականի հոկտեմբերի 20-ը դարձավ դպրոցական կյանքի ևս մեկ հիշարժան և հետաքրքիր էջերից։

Տնօրեն Նելլի Կոստանդյան

 

 

 

Շախմատի մրցույթ

Կապանի թիվ 11 միջնակարգ դպրոցում  2017թ. հոկտեմբերի 1-ից 20-ը տեղի ունեցավ  շախմատի ներդպրոցական փուլը:Թեժ մրցակցության  արդյունքում  հաղթողներ ճանաչվեցին՝ 9-րդ դասարանի աշակերտ Վազգեն Հարությունյանը, 8-րդ դասարանի աշակերտ  Շանթ Հովհաննիսյանը , 7-րդ դասարանի աշակերտ Լեռնիկ Հովհաննիսյանը և 4-րդ դասարանի աշակերտուհի  Ալյոնա Հակոբյանը:Նրանք Էլ կմասնակցեն տարածքային փուլին:

Տնօրեն Նելլի Կոստանդյան

<<Անգլերեն լեզու>> առարկայից  բաց դաս

2017թ. հոկտեմբերի 18-ին  Կապանի թիվ 11 միջնակարգ դպրոցում տեղի ունեցավ  <<Անգլերեն լեզու>> առարկայից  բաց դաս << A a>> տառի ուսուցում : Աշակերտները  ներկայացրեցին նախաայբբենական շրջանում ձեռք բերած գիտելիքները, հաշվեցին, երգեցին արտասանեցին:Սովորեցին <<A a>> տառը և դարձան գրաճանաչ:

Տնօրեն Նելլի Կոստանդյան

Ռուսական արջուկ

Կապանի թիվ 11 միջնակարգ դպրոցի աշակերտները 2017թ. նոյեմբերի 15-ին ռուսաց լեզվի ուսուցչուհի Վարդուհի Դանիելյանի գլխավորությամբ մասնակցեցին <<Այբ>> հիմնադրամի կողմից անցկացվող <<Ռուսական արջուկ >> մրցույթին: Մրցույթը համընկավ դպրոցում <<Ռուսաց լեզու >> առարկայի դրվածքի ուսումնասիրության հետ, որը նպատակ ուներ խթանելու սեր և հետաքրքրություն ռուսաց լեզվի նկատմամբ:

Տնօրեն Նելլի Կոստանդյան

 

Խմբակների  տարեվերջյան  հաշվետվություն

Կապանի  թիվ  11  միջնակարգ  դպրոցում 2017թ.  ապրիլի  27,28-ին  տեղի  ունեցավ   <<Հետաքրքրաշարժ  մաթեմատիկա>>, <<Փոքրիկ  շախմատիստ>>   և <<Թատերական>> խմբակների  2016-2017 թթ.  ուստարվա   աշխատանքների  ամփոփում: Աշակերտները  կիրառեցին  ուսումնական  տարում  ձեռք  բերած  իրենց  գիտելիքները  մաթեմատիկայի  հետաքրքրաշարժ  աշխարհում, ներկայացրեցին  շախմատի   ստեղծման  պատմությունը, կազմակերպեցին  ընկերական  խաղեր, իսկ  թատերական  խմբակը  բեմականացրեց  Հովհաննես  Թումանյանի   <<Չարի  վերջը>>  ներկայացումը:

            Տնօրեն Նելլի Կոստանդյան

 

<<Մեր մեծերը>>

Կապանի թիվ 11 միջնակարգ դպրոցում 2017թ. ապրիլի 25-ին տեղի  ունեցավ  դաս-միջոցառում՝  <<Մեր մեծերը>>  շարքում  ընդգրկված  սփյուռքահայ բանաստեղծ Վահան Թեքեյանի և բոլոր ժամանակների ամենամեծ  ծովանկարիչ  Հովհաննես  Այվազովսկու  վերաբերյալ:

Դասը հագեցած  էր  հետաքրքիր փաստերով,տեղեկություններով  մեծանուն նկարչի  և  սփյուռքահայ  բանաստեղծի  ստեղծագործություններով:

Տնօրեն Նելլի Կոստանդյան

˂˂Прощай , Букварь˃˃

2017թ. ապրիլի 19-ին Կապանի թիվ 11 միջնակարգ  դպրոցում  տեղի ունեցավ ˂˂Прощай , Букварь˃˃ միջոցառումը: Միջոցառմանը մասնակցում էին երկրոդ դասարանի աշակերտները , ուսուցիչներ , ծնողներ:Միջոցառման ընթացքում ակնհայտ էր, որ երեխաները տիրապետում են  ռուսերեն այբուբենին,կարող են բանաստեղծություններ արտասանել , երգել ,հանելուկներ ասել և հաղորդակցվել ռուսերեն լեզվով:

Տնօրեն Նելլի Կոստանդյան

Happy ABC

Կապանի թիվ 11 միջնակարգ դպրոցում2017թ. մարտի 23-ին  տեղի ունեցավ  միջոցառում` Happy ABC նվիրված անգլերենի այբուբենին: Նպատակը` աշակերտների մեջ սեր և հետաքրքրություն առաջացնել անգլերեն լեզվի նկատմամբ: Միջոցառման ընթացքում աշակերտները ներկայացրին իրենց ձեռք բերած գիտելիքները և կարողությունները:
Տնօրեն Նելլի Կոստանդյան