Մեր մեծերը

ԺԱՄԱՆԱԿԱՑՈՒՅՑ 2018թ.

     Վահանակ  <<Մեր մեծերը>>

                     Դարի արտիստը

2018 թվականի ապրիլի 13-ին Կապանի թիվ 11 միջնակարգ դպրոցում <<Մեր մեծերը>> ծրագրի շրջանակում Հասմիկ  Բաղդասարյանը կազմակերպեց միջոցառում՝ նվիրված Վահրամ Փափազյանին: Նպատակն էր՝ աշակերտներին ներկայացնել գրող-դերասանի կյանքն ու ստեղծագործական ուղին: Աշակերտները հնարավորություն ունեցան դիտել <<Դարի արտիստ>>-ի հայտնի դերակատարումը՝ Օթելլոն, ինչպես նաև ծանոթացան  նրա  գրական ստեղծագործություններին:

Դպրոցի տնօրեն Ն. Կոստանդյան 

 Բաց դաս `Հ. Պարոնյանի<<Մեծապատիվ մուրացկաններ>>

Կապանի  թիվ  11 միջնակարգ դպրոցում  2018թ. մարտի  23-ի <<Մեր  մեծերը>>  շարքից   X դասարանում  կազմակերպվեց  բաց  դաս: Դասի թեման էր ` Հակոբ  Պարոնյանի  <<Մեծապատիվ  մուրացկաններ>> վեպը:Նպատակն  էր՝  արժևորել  մարդուն, նրա  դերը  հասարակության  մեջ, սերմանել՝  սեր, հոգածություն  շրջապատի  նկատմամբ: Դասը կրում էր դաստիարակչական բնույթ, ուսուցանող էր: Աշակերտները կարողացան ինքնուրույն դատողություններ անել, հայտնել կարծիքներ, հստակեցնել իրենց արտահայտածը:  

Դպրոցի տնօրեն Ն. Կոստանդյան

Զապել Եսայան

Կապանի թիվ 11 միջնակարգ դպրոցում 2018 թ.մարտի 22-ին <<Մեր մեծերը>>  շարքից  տեղի ունեցավ դաս-միջոցառում <<Զապել Եսայան>> խորագրով:5-12-րդ դասարանների սովորողներին  ներկայացվեց սփյուռքահայ մեծ գրողի, գրականագետի, հրապարակախոսի կյանքն ու գործունեությունը, ցուցադրվեց հատվածներ << Զապել Եսայան>> ֆիլմից:Ծանոթացան` նրա գլուխգործոցներից մեկի` <<Սիլիհտարի պարտեզները>> ինքնակենսագրական վիպակին:Նպատակն էր` աշակերտներին ներկայացնել մեծ գրականագետի հայրենանվեր գործունեությունը և վեր հանել ստեղծագործության գաղափարագիտական արժեքներն ու յուրահատկությունները:

Դպրոցի տնօրեն Ն. Կոստանդյան

Միքայել Արամյանց

Կապանի թիվ 11 միջնակարգ դպրոցում 2018թ.  մարտի 15-ին Ռ. Զաքարյանը իրականացրեց միջոցառում՝ նվիրված Միքայել Արամյանցի կյանքին և գործունեությանը:Միջոցառման նպատակն էր` ծանոթացնել հայ մեծերից Միքայել Արամյանցին, ով իր գործունեությամբ հավերժացվել է հայոց պատմության էջերում: Միջոցառման ընթացքում աշակերտներին ներկայացվեց մեծն հայի կյանքն ու կատարած բարեգործությունները:Արդյունքում` լուսաբանվեց և կարևորվեց հայ մեկենասի՝ Միքայել Արամյանցի բարի համբավն ու թողած ժառանգությունը:

Դպրոցի տնօրեն Ն. Կոստանդյան