Խաղաղության ճանապարհ

Խաղաղության խմբակի ժամանակացույց 2017-2018 ուստարի 2-րդ կիսամյակ

Խաղաղության խմբակի ժամանակացույց 2017-2018 ուստարի դեկտեմբեր

 

Ինչպես խաղաղ կերպով հաղթահարել դժվար զգացմունքները

Կապանի թիվ 11 միջնակարգ դպրոցում  2018թ. փետրվարի  16-ին կայացավ  խաղաղության  խմբակի հերթական հանդիպումը՝ <<Ինչպես խաղաղ կերպով հաղթահարել դժվար զգացմունքները>> թեմայով: Նպատակն էր՝ աշակերտներին սովորեցնել, թե ինչպես դրական ձևով ղեկավարեն իրենց բարդ զգացմունքներն ու սթրեսային իրավիճակները: Հանդիպումը սկսվեց <<Վերհիշում ենք մեր կատարած դրական արարքները>> ողջույնի վարժությամբ: Խմբավարները ներկայացրին մի պատմություն, որից հետո մասնակիցները օժանդակ նյութերի միջոցով իրականացրին դերային խաղեր՝ <<Գուշակիր, թե ինչ եմ զգում ես>> վերնագրով:

Դպրոցի տնօրեն  Ն. Կոստանդյան

Արտահայտում ենք մեր զգացմունքները

Կապանի թիվ 11 միջնակարգ դպրոցում  2018թ. փետրվարի  9-ին կայացավ  խաղաղության  խմբակի հերթական հանդիպումը՝ <<Արտահայտում ենք մեր զգացմունքները>> թեմայով, որի նպատակն էր՝ սեփական անձի  բացահայտման ճանապարհին  սովորել  դրական ձևով  ղեկավարել  զգացմունքները  և դրանք  ճիշտ արտահայտել:Խմբակի   ընթացքում մասնակիցներն իրենց  զգացմունքներն  արտահայտեցին գունավոր թղթերի, նկարելու,օրիգամիների միջոցով: Ըստ այդմ՝  բացահայտեցին դիմացինների զգացմունքները:Հանդիպման ավարտին եկան այն եզրահանգմանը, որ զգացմունքների ճիշտ ընկալումը կախված է նաև իրավիճակից և զգացմունքն արտահայտողից:Աշխատանքները պահպանվեցին անհատական թղթապանակներում:

Դպրոցի տնօրեն  Ն. Կոստանդյան

Մշակութային համոզմունքներ և հաղորդակցում

Կապանի թիվ 11 միջնակարգ դպրոցում 2018թհունվարի 26-ին կայացավ <<Խաղաղության խմբակի>> հերթական հանդիպումը: Հանդիպման ժամանակ մասնակիցները բացահայտեցին մեր երկրին բնորոշ մշակութային և իրենց անձնական համոզմունքները: Վերհիշեցին իրենց կատարած դրական արարքները և ավելացրեցին <<Խաղաղության ծառի տերևները>>: Կիսվեցին անձնական արժեքներով և համոզմունքներով: Արդյունքում գիտակցեցին և եկան այն համոզմունքին, որ մշակույթն ազդում է հաղորդակցության վրա, և յուրաքնչյուր ազգ ունի իրեն բնորոշ մշակութային առանձնահատկությունները:

Դպրոցի տնօրեն  Ն. Կոստանդյան

Ոսկե կանոն

Կապանի թիվ 11 միջնակարգ դպրոցում 2017թ. դեկտեմբերի 18-ին  տեղի ունեցավ     <<Խաղաղության  խմբակ>>-ի երրորդ հանդիպումը: Հանդիպման նպատակն էր ծանոթանալ <<Ոսկե կանոն>>-ին և առաջնորդվելով՝ կերտել խաղարարարի  իրենց կերպարը:Մասնակիցները լրացրեցին անհատական թեստեր, պատրաստեցին <<Խաղաղության ծառ>>, որի միջոցով ներկայացրեցին իրենց կատարած բարի գործերը:Արդյունքում գիտակցեցին և եկան այն համոզմունքին, որ յուրաքանչյուր մարդ ամեն օր պետք է կատարի գոնե մեկ բարի գործ:

  Տնօրեն  Ն. Կոստանդյան

Բացահայտում ենք, թե ովքեր ենք մենք

Կապանի թիվ 11 միջնակարգ դպրոցում 2017թ. դեկտեմբերի 14-ին  տեղի ունեցավ  <<Խաղաղության խմբակ>>-ի 2-րդ հանդիպումը:Հանդիպման  նպատակն էր  մասնակիցներին  սովորեցնել, թե ինչպես  դրական ձևով ազդել իրենց սեփական և այլոց կյանքին:Աշակերտները լրացրեցին թեստ՝ <<Կյանքի հմտություններ>> թեմայով, որի միջոցով բացահայտեցին, թե ովքեր են իրենք և իրենց ընկերները: Արդյունքում ծանոթացան յուրաքնչյուր մասնակցի անհատական առանձնահատկություններին և նախասիրություններին:

Տնօրեն  Ն. Կոստանդյան

 

Խաղաղության խմբակ

Կապանի թիվ 11 միջնակարգ դպրոցում Վորլդ Վիժն կազմակերպության հետ համատեղ 2017թ. դեկտեմբերից  կազմակերպվում է  <<Խաղաղության ճանապարհ>> դասընթացը: Դեկտեմբերի 12-ին կայացավ  <<Խաղաղության խմբակ>>-ի առաջին հանդիպումը: Խմբակին մասնակցում են դպրոցի 8-12 տարեկան 20 աշակերտներ: Հանդիպման ժամանակ անդամները  խմբային աշխատանքների միջոցով  բացահայտեցին կյանքի հմտությունների և խաղարարության գաղափարները:Դասընթացը նպատակ ունի աշակերտների մոտ զարգացնել ճկունություն, ակտիվ մասնակցություն, պաշտպանվելու ունակություն  իրենց ընտանիքներում, համայնքներում և հասարակությունում խաղաղության հաստատմանն աջակցելու կարողություն: Դասընթացը վարեցին <<Վորլդ Վիժն Հայաստան>> կազմակերպության կողմից  <<Խաղաղության խմբակ>>-ի վերապատրաստված ուսուցիչներ՝ Ռ. Զաքարյանը և Շ. Հարությունյանը:

Տնօրեն  Ն. Կոստանդյան